Kif nista' nħejji l-Portal tal-Ħlasijiet u nsarraf il-Premjijiet tal-Ħallieqa tiegħi fuq Snapchat?

Jekk qatt ma ħejjejt l-għażliet tal-ħlasijiet ma' Snapchat, ara dal-filmat t'hawn taħt fuq kif tħejji l-kont Hyperwallet tiegħek! Għall-istruzzjonijiet bil-miktub ta' kif tħejji l-kont Hyperwallet, niżżel il-paġna iktar 'l isfel mill-filmat.

1. Ibda billi tagħfas fuq ‘Il-Premjijiet tal-Ħallieqa Tiegħi’ minn Il-Profil Tiegħi ħalli żżur iċ-ċentru tal-Premjijiet tal-Ħallieqa.
    
2. Imbagħad nitolbuk tibda l-proċess billi tagħtina d-dettalji tal-ħlas bħal, ngħidu aħna, ismek u kunjomok (mingħajr simboli speċjali), l-indirizz tal-email, l-istat u l-pajjiż fejn toqgħod, in-numru tal-mowbajl u d-data tat-twelid (‘Dettalji tal-Kuntatt’). Jekk id-dettalji ma jkunux preċiżi jew ismek u kunjomok ma jaqblux mal-isem u l-kunjom murija fuq id-dokumenti tat-taxxa jew id-dokument tal-identità maħruġ mill-gvern tiegħek, mhux se nkunu nistgħu nħallsuk. Wara li tagħtina dad-dettalji, mhux se tkun tista' tibdilhom minn Il-Profil Tiegħi. Jekk għadek taħt l-età fil-ġurisdizzjoni tiegħek, teħtieġ il-permess tal-ġenitur(i)/tat-tutur(i) tiegħek biex inkunu nistgħu nħallsuk. Wara li tkun bgħatt dad-dettalji, se jitla' messaġġ li jgħid ‘Qed niċċekkjaw l-applikazzjoni tiegħek tal-Portal tal-Ħlasijiet ta' Snapchat’ fil-paġna ‘Il-Premjijiet tal-Ħallieqa Tiegħi’.
     
3. Għall-pass li jmiss, jekk tkun tajtna d-Dettalji tal-Kuntatt u l-formoli tal-permess tal-ġenitur(i)/tat-tutur(i) tiegħek kif suppost (jekk ikun il-każ), se nibagħtulek l-istruzzjonijiet ta' kif tibda tuża l-kont tal-Portal tal-Ħlasijiet ta' Snapchat mingħand l-imsieħba tagħna Hyperwallet fuq l-indirizz tal-email li tkun tajtna (notifications@hyperwallet.com) jew (do.not.reply@hyperwallet.com). Jafu jgħaddu ftit ġimgħat qabel tasallek l-email għax neħtieġu ftit taż-żmien biex nipproċessaw l-applikazzjoni tiegħek.
    
4. Malli tasallek l-email, jeħtieġlek tagħfas fuq il-buttuna ‘Attiva’ biex tkun tista' tuża l-Portal tal-Ħlasijiet ta' Snapchat mill-Hyperwallet. Jekk tiftaħ l-email fuq tagħmir Apple, jekk jogħġbok ara li ma tkunx qed tuża t-tema mudlama.
   
   Imbagħad nitolbuk Kodiċi tad-Dħul biex ittemm il-proċess tat-tħejjija tal-Portal tal-Ħlasijiet. Jekk ma tafx minn fejn tista' tikseb il-Kodiċi tad-Dħul tiegħek, tista' ssibu fit-taqsima ‘Il-Premjijiet tal-Ħallieqa Tiegħi’ fil-Profil Tiegħek fi żmien 48 siegħa minn meta tasallek l-email. 
   
   Jekk jogħġbok żomm f'moħħok: Jekk issib il-Kodiċi tad-Dħul fiċ-Ċentru tal-Premjijiet tla-Ħallieqa imma ma ssibx l-email ta' Hyperwallet, jekk jogħġbok iċċekkja l-fowlder tal-Posta mhux mixtieqa u erġa' pprova ibgħat l-email.
    
5. Malli jkollok kont fuq il-Portal tal-Ħlasijiet ta' Snapchat, imxi mal-istruzzjonijiet biex ittemm it-tħejjija tal-kont: daħħal id-dettalji personali u kummerċjali tiegħek, fosthom il-verifika tiegħek bħala kontribwent tat-taxxa. Il-proċess tal-verifika tal-kontribwent tat-taxxa jaf jieħu sa ġimagħtejn. Mhux jirnexxielek timla l-formoli tat-taxxa W8BEN jew W8BEN-E? Aqra hawn għat-tagħrif ta' kif timliehom.
   
   Jekk jogħġbok żomm f'moħħok: Id-dettalji personali u kummerċjali li tagħti fl-app ta' Snapchat jeħtiġilhom jaqblu mad-dettalji li tagħti lil Hyperwallet. Jekk ma jkunx hekk, se niċħdulek l-applikazzjoni tal-Portal tal-Ħlasijiet.
    
6. Malli toħloq il-kont tal-Portal tal-Ħlasijiet ta' Snapchat, se nuruk il-Premjijiet tal-Ħallieqa fi-Ċentru tal-Premjijiet tal-Ħallieqa! Jekk jogħġbok kompli aqra t-taqsima t'hawn taħt biex issir taf kif issarraf il-Premjijiet tal-Ħallieqa.

Issa li għandek kont, tista' tibda tikseb il-Premjijiet tal-Ħallieqa u ssarrafhom fi flus billi timxi mal-istruzzjonijiet t'hawn taħt:

1. Malli tikseb Premju tal-Ħallieqa, se nibagħtulek notifikazzjoni push. Iftaħ iċ-Ċentru tal-Premjijiet tal-Ħallieqa billi tagħfas fuq ‘Il-Premjijiet tal-Ħallieqa Tiegħi’ minn Il-Profil Tiegħi. Jekk jogħġbok żomm f'moħħok li n-notifikazzjoni push ma tintbagħatx minnufih u taf tieħu ftit tas-sigħat biex tasallek.
    
2. Kull Premju tal-Ħallieqa li tikseb se jintwera fit-taqsima ‘L-Attivitajiet Kollha’ taċ-Ċentru tal-Premjijiet tal-Ħallieqa fl-istat ‘Mistenni’. Il-Premjijiet tal-Ħallieqa jeħtieġu 14-il jum minn meta jintwerew fit-taqsima ‘L-Attivitajiet Kollha’ taċ-Ċentru tal-Premjijiet tal-Ħallieqa biex jinbidlu minn ‘Mistenni’ għal ‘Disponibbli’. Malli jinbidel l-istat, tista' ssarraf dak il-premju.
    
3. Malli l-istat tal-Premijiet tal-Ħallieqa tiegħek jinbidel minn ‘Mistenni’ għal ‘Disponibbli’, is-somma tal-bilanċ disponibbli se tintwera fin-naħa ta' fuq taċ-Ċentru tal-Premjijiet tal-Ħallieqa flimkien mal-valur tal-premjijiet bil-munita EUR.
   
   Jekk jogħġbok żomm f'moħħok: Il-Premjijiet tal-Ħallieqa jistgħu jissarrfu biss jekk tibqa' timxi mar-Regoli tal-Komunità, mal-Linji Gwida ta' Spotlight, mar-Regoli tas-Servizz, mar-Regoli ta' Spotlight u ma' kull regola oħra li tgħodd għas-Servizzi tagħna. Jekk ma timxix magħhom nistgħu nneħħulek kull Premju tal-Ħallieqa li jkun għadu mistenni u/jew disponibbli.
    

4. Meta tkun lest/a biex issarraf il-Premjijiet tal-Ħallieqa disponibbli f'USD, agħfas il-buttuna ‘Sarraf’. Meta tagħmel hekk se tibda l-proċess tat-tisrif f'USD grazzi għal Hyperwallet tal-Premjijiet tal-Ħallieqa kollha li għandek disponibbli fil-Portal tal-Ħlasijiet ta' Snapchat. Żomm f'moħħok li biex tibda ħlas, teħtieġ li s-somma tal-Premjijiet tal-Ħallieqa li tista' ssarraf tkunlek ta' mill-inqas $100 USD. Jekk jogħġbok żomm f'moħħok li ħafna drabi, wara li tkun tlabt it-tisrif tal-flus mill-app ta' Snapchat, il-flus idumu mill-inqas 14-il jum ieħor biex jintbagħtu lill-Portal tal-Ħlasijiet ta' Snapchat b'Hyperwallet.

   Għalkemm tista' tagħżel li ssarraf il-flus meta tixtieq int, żomm f'moħħok li (sakemm qed timxi mar-Regoli tal-Komunità, mal-Linji Gwida ta' Spotlight, mar-Regoli tas-Servizz u mar-Regoli ta' Spotlight u kull regola oħra li tgħodd għas-Servizzi tagħna), se nsarrfulek il-flus minn rajna fil-kont tla-Portal tal-Ħlasijiet ta' Snapchat jekk (i) il-biland disponibbli ma nbidilx għal sena JEW ma ssarrafx fl-aħħar sentejn u (ii) għandek biżżejjed Premjijiet tal-Ħallieqa li jistgħu jwasslu għal ħlas ta' $100 USD.

   Jekk il-kontijiet tiegħek ikollhom xi problema u ma jkollokx il-ħtiġijiet imsemmija hawn fuq, mhux se tibqa' eliġibbli biex issarraf il-Premjijiet tal-Ħallieqa wara li jgħaddu sena jew sentejn (skont il-każ) mill-kisba tal-ewwel premju.
    

5. Malli tikseb il-ħlas fil-Portal tal-Ħlasijiet ta' Snapchat b'Hyperwallet, jeħtieġlek tiġbed il-flus bil-mod li tixtieq int. Meta tagħżel li tiġbed il-flus mill-Portal tal-Ħlasijiet ta' Snapchat, tista' tagħżel għadd ta' modi kif tiġbed il-flus (bħal, ngħidu aħna, kont tal-bank jew PayPal). Għal iktar tagħrif, aqra l-Mistoqsijiet Komuni ta' Hyperwallet.
6. Jekk tiġbed il-flus mill-Portal tal-Ħlasijiet ta' Snapchat, se nżommulek it-tariffi tat-tranżazzjonijiet tal-operatur tal-pjattaforma tal-pagamenti msieħba magħna (li ssib fil-ħolqa t'hawn taħt). It-tariffi tat-tranżazzjonijiet li se nżommulek jiddependu mill-mod tal-ġbid tal-flus li tagħżel u, jekk ikun il-każ, il-munita li tagħżel li taqleb il-flus fiha (jekk ma tiġbidx il-flus bħala Dollari Amerikani).
   
   Sir af iktar dwar it-tariffi tat-tranżazzjonijiet tal-pjattaforma tal-ħlasijiet. 

⚠️  Importanti: Jekk tħabbat wiċċek ma' xi messaġġi li jagħmluha tabirruħhom kont uffiċjali ta' Snapchat, irrapporta l-kont minnufih u taqsam l-ebda tagħrif personali jew tal-ħlasijiet ma' dak il-kont. Għal iktar tagħrif u pariri dwar is-sigurtà, żur iċ-Ċentru tas-Sigurtà tagħna.